Abdullah Öcalan: Parastina Kurdên Di Nav Pencê Qirkirina Çandî De


Abdullah Öcalan: Parastina Kurdên Di Nav Pencê Qirkirina Çandî De

Auf Lager

10,00
Preis inkl. MwSt., zzgl. Versand


Rêberê gelê Kurd Abdullah ÖCALAN, di pirtûka xwe xwe, ya pêncemîn a “Manîfestoya Civaka Demokratîk-Parastina Kurdên Di Nav Pencê Qirkirina Çandî De- Pirsgirêka Kurd û Çareseriya Neteweya Demokratîk de,  li ser jiyana xwe, ya li Girtigeha Girava Îmraliyê weha dibeje: “Min heta niha di tevahiya pareznameyên xwe, yên nivîskî û diyalogên xwe, yên devkî de zede behsa jiyana xwe, yaş şexsî nekir. Ji bilî pirsgirêkên giştî yên tenduristiyê û  pirsgirêkên bi îdareya girtîgehê re, sîstem bi awayekî taybet  min tecrîd dike û vê bi tenê li ser min pêk tîne. Min heta niha behsa vê nekir û min neanî ziman ku ez çewa li hemberî vê li ber xwe didim. Ez yeqîn dikim ku yek ji mijarên herî zêde kakûnî û meraqa meraqa wan tê kirin, ev e. Ango meraq tê kirin ka ez li hemberî vê tenêtî û sekantiya mutleq çewa li ber xwe didim. Ezmûna min a jiyanê di vî warî de cihê meraqê ye. Ez dema ku zarok bûm, yek ji diyadîtiyê gund ku weke zana dihat qebûlkirin hal û hereketê min şopandibûn û ez hê jî ji bîr nakim, gotinek weha gotibû: ‘ Lo li cihê xwe rûnê, ma di te de cîwa heye?’  Çewa kut ê zanîn, cîwa elementek e ku diherike û di cihê xwe de nasekine. Ez kesekî wisa bi hereket Bûm û di cihê xwe de nedisekinîm. Eger xwedayên mitolojik jî bifikiriyana bi her halî wê nehata bîra wan ku min bi zinarên Îmraliyê ve girê bidin û bi cezayekî giran ceza bikin. Tevî wê jî min di hucreyeke yekesî de duwazdeh salên xwe temam kirin. ....”

Rêzdar Abdullah ÖCALAN di destpêka daxwaznameya xw ey abi mêjûya 22’ê Kanûna 2010’an de, ya ku ji Dadgeha Mafê Mirovan a Ewrûpayê re şandi ye  jî weha dibeje: “ Di rojeva we de cûrbicûr dozên min hene. Der barê van dozan de parêznameyên ku parêzarên min pêşkêş kirine, hene. Ji b ovan parêznameyan ez li benda biryara dadgeha we me. Komera Tirkiyê di çarçoveya statuya endametiya Yekîtiya Ewrûpayê de qanûnên xwe diguherîne û bi wan guhartinan re hinek qanûn bi kêra min tên, lê Komera Tirkiyê van beşên bi kêra min tên tevlî demên berê dike û hewl dide wan bixe dijberiya min, bi vî awayî bi pîvanên huqûqa gerdûnî û destura xwe re li hev nake. Parêzname û îtîrazên min jî bêhtir di vê Çarçoveyê de ne. Yek ji wan mijarên huqûqî yên em behsa wan dikin der barê cezayê darvekirinê de ye. Kengî cezayê darvekirinê ji qanûnê hat derxistin, bi qanûneke ku li destûrê zede kir, hukmê Cezayê darvekirinê veguherand cezayê ‘muebbeda girankirî’. Lê ya rastî, kengî cezayê darvekirinê hat rakirin, diviyabû xala Muebbediyê ya berê ku bi kêra min dihat, bihata pêkanîn. Ev jî di destûrê û qanûnan de pirr eşkere hatiye diyarkirin. ...”  

Rêberê gelê Kurd Abdullah ÖCALAN di vê pirtûka xwe, ya Pêncemîn a bi navê Manîfestoya civaka demokratik- Parastina Kurdên Di Nav Pencê Qirkirina Çandî de – Pirsgirêka Kurd û Çareseriya Neteweya Demokratîk de li ser mijarên di bin navê “Naveroka Pirtûkê” de hatine destnîşankirin rawestiya ye û bi şêweyeke felsefî, van mijaran nirixandi ye.

Hûn ê di dawiya vê pirtûkê de ji xeynî Encam û Gotina Dawî, sernivîsên Rêzdar Abdullah ÖCALAN, ên di bin navên “Li Ser Jiyana Min, a Li Girtîgeha Girava Îmraliyê û Ji Serokatiya Dadgeha Mafê Mirovan a Ewrûpayê Re” jî  ku hetine nivîsandin bikaribin  bixwînin. 

Kunden, die dieses Produkt gekauft haben, haben auch diese Produkte gekauft

* Preise inkl. MwSt., zzgl. Versand

Diese Kategorie durchsuchen: Kurdî